Samsung Mini Notebook N310試用快一個月，因為公司附近商場都裝有免費的wifi服務，所以每天中午都可以好方便咁用這部Samsung N310邊吃午飯邊上網或看電影，小巧圓滑機身加上這樣獨特粉藍色外觀，引來不少艷羨目光，實在唔好意思喇！除了在戶外自己喜歡使用Samsung N310之外，返到屋企我都好喜歡用佢黎上網，主要貪佢電量夠長，而且機身都唔算熱，所以都會一路睇電視一路上網，真係Very Good呀！但係近日情況有些少改變…話說近日OrSan部手提電腦有D壞壞地，所以拎左去整啦！其後OrSan好聰明咁問我…”咦？您咪有部新電腦嘅？不如俾我用黎做野吖!” 我心想佢一定用唔慣啦！我話:”部機都好慢架喎！用黎上吓網就得嘅！唔知您用黎做嘢得唔得喎！” 最後OrSan用咗幾日嘅結論係：”吖~其實部機都幾好用呀！同以前果部都分別唔大喎！都無特別慢呀！除左個Display細左少少！” 但係OrSan一路用黎個部係14吋、行緊Core2Duo嘅Notebook=__=’
無嘢好講，又一次證明齋睇數據都無乜用，都係用過先係最直接，看來我依一排夜晚都唔可以邊睇電視邊上網喇！在此衷心希望OrSan部舊電腦可以快D整好啦~
爭奪戰？您估我真係有得爭咩？
July 13th, 2009
一直都好想出隻USB Modem用黎俾我部Netbook可以隨時隨地上網，但諗深一層，純粹用黎作娛樂用途又唔係好化算，近日iPhone upgrade左上3.0之後，當然立刻試試佢新嘅Internet Tethering功能，setup極之簡單，只要係我部Samsung N310裝上iTunes以及用籃芽Pair好Samsung N310同iPhone，咁就可以無拘無束咁隨時隨地上網喇，仲唔駛吉住支USB Modem落部Samsung N310果度添，用落效果唔錯，耗電量我自己覺得唔算太厲害，總體黎講係一個幾完美同靚仔嘅組合…Good~
July 2nd, 2009
係睇完N310外觀與硬件嘅同時，今次都可以介紹一下佢嘅內涵，其實都講過好多次，netbook部部config都差不多，好用與否好取決於廠商有無合適嘅軟件配套，亦都從中可以睇到廠商對於生產依部機有無heart…
當開機之後發覺到Samsung其實都有唔少嘅軟件配套for依部小小嘅netbook：(以下內容擇自Samsung網頁)
• Cyberlink YouCam：配合數碼動視像鏡頭，支援網絡視像通話，更備有攝影及錄影功能，可按用戶需要選擇按時錄影，或自動偵測影像，可作電腦保安之用。此外，在進行視像交談時，此軟件更可加入多達12款3D圖像效果、主題或插圖，讓交談過程培添樂趣；
• Samsung Recover Solution III：為電腦建立修復點，當電腦遇上問題時，可隨時回復之前備份狀態。Samsung Recovery Solution III 更可將備份儲存於硬碟內或光碟中，即使硬碟中的備份狀態出現任何問題，亦可利用光碟回復到以往能夠正常運行的狀況；
• Easy Resolution Manager：備有兩種解像度模式供用戶選擇；1024 x 600為預設模式，適合觀賞電影之用；另備有1024 x 768解像度，方便用戶進行文書工作；
• Easy Network Manager：為不同網絡建立不同的檔案庫。只需輸入簡單資料，以後每次登入，電腦會即時識別IP地址及網絡打印機等設定；
• Samsung Magic Doctor系統診斷：內置自動診斷軟件，用戶只需按下 (Fn) 及 (F7) 按鍵，便可自動檢查和修復任何應用程式可能出現的問題。
• Samsung Battery Manager：可按用戶喜好選擇以下不同電池模式
- 最大電池效能模式：適用於需最大電池支援的環境；
- 最大系統效能模式：適用於需高系統效能或全系統效能的情況；
- 一般設定模式：適用於一般環境，可有效調較系統效能及電池耗用功率，達至平衡，提高電池效能；
- 自設模式：用戶可自由選擇及調較每一細節的耗電功能比，如螢幕光亮度、電源狀態及色彩設定等；
• Battery Life Extender：全新電池保護功能，當電腦連接AC電源時，令電量維持於80%，有效減慢電池老化速度，從而令電池壽命得以延長。
June 25th, 2009
4475今天為們解開Samsung Mini Notebook N310密室之謎…
話說有天4475無意中發現N310底部竟然藏著一個小小的密室，充滿好奇心的4475當然第一時間上前打開，查看過究竟，赫然發覺密室內裡竟然藏著一條1GB RAM，看樣子似乎可以把它換成更大容量的記憶體呢！
說時遲、那時快，4475已從倉庫取出一條新束束的2GB RAM，把它換到N310的記憶體插槽上，過程簡單容易，不消三兩分鐘經已做好，開機後N310亦都順利地確認插槽上是一條2GB記憶體，雖然隨機的1GB記憶體已足夠N310基本雖要，但是當把記憶體增加多一培的時侯，N310在程式執行的順暢度都有較好表現，已現在記憶體售價這麼便宜來計算，強烈見議N310用家不妨為您的netbook做這小小的增值動作呢！
4475從倉庫運來新鮮嘅Samsung 2GB DDR2-800…
4475為N310裝上記憶體…
June 25th, 2009
基本上自己對N310的設計都非常滿意，至少看來都算是靚仔嘛！但有一點真是想不明白，為何在使用SD咭時竟然有三份一是凸了出來呢？奇怪奇怪…對於愛靚的人仕都是少用N310的SD咭插槽為妙！
June 22nd, 2009
4475最愛用的是九方輸入法，輸入中文來來去去都是靠一堆數字鍵，在有Keypad的鍵盤上操作一直相安無事，但轉到筆記簿型電腦上操作問題可大了，最主要的問題是Notebook上跟本沒有Keypad，雖然Notebook上都有num lock，可把英文鍵轉做數字鍵，但因為排位與數字鍵不同的關係，所以一直都用得不太舒適，解決方法惟有接駁一個Ext. Keypad或Keyboard用以方便使用九方輸入法，但最近使用N310竟然覺得它的朱古力鍵盤極其配合九方使用，因為N310的鍵盤分隔得比較開，不像以往的常常按錯鍵，真是有驚喜呢！
June 21st, 2009
今日非常榮幸請到Playmobil4475為我這部Samsung N310進行開箱儀式…
深澤直人 ╳ Samsung N310
近這兩年生產Netbook嘅廠商愈來愈多，但在netbook的規格規範之下，新出的netbook來來去去都走不出相類似的config，要在netbook這個市場上生存確是不容易，所以真要讚一讚Samsung今次專程請來著名的Product Designer深澤直人為這部N310作外觀上的設計，我想N310在設計上最有趣都應該是其用色與物料的finishing，用色上除了有最大路的黑色之外，今次還大膽地選用了薄荷藍色，加上機身物料的finishing，令人感覺到機身有種軟冧冧好像Silicone的感覺，但當您摸上手時又發覺原來並不像您想象中那麼軟熟，這種似是而非的感覺真是非常有趣，亦是近年很多Product Design所玩的gimmick！而外形上N310四邊都用上fillet位，所以拎上手的感覺都非常好，但幽默的是在這麼渾圓的機身下當您要能打開部電腦的時候您會發覺開合位竟然利到覺得界手呢！係設計上形成很大的contrast，需然我並不特別喜歡吹捧一些 Designer Products，但亦不得不佩服深澤直人今次為N310所做的設計
渾圓嘅機身…
Yeah！利到界手呢~
高效能長氣袋
除了外觀設計外，驚人嘅電量亦都成為N310另一個主打賣點，跟機的是一個6-cell 8850mAh充電池，而備用時間竟達11小時，我當正常條件下使用打個七折亦可以用上七至八個小時，這個數字確係驚人，最識合日常出外玩樂或工作時使用！
N310配備6-cell 8850mAh充電池，備用時間可達11小時！
4475為N310裝上充電池…
裝電池…So Easy~
日日用電腦，病菌遠離我！
眾所周知電腦的鍵盤一直都是細菌兄弟們的大本營，而Samsung Mini Notebook N310的鍵盤則採用了納米銀技術，能夠有效地減低病菌滋生的機會，真是體貼呢！
N310鍵盤設計係用上近年大Hit嘅朱古力keyboard，加上納米銀防菌技術，真係用得健康呀！
無菌架！無菌架！真係好干淨！我係上面瞓覺都得呀~
N310硬件規格
其它硬件規格方面，N310用上新型號的Intel® Atom N280 1.66GHz處理器，Intel® GMA950圖像顯示晶片，160GB SATA 5400rpm硬碟，10.1″(16:9) LED WSVGA(1024×600)無邊框闊屏幕，130萬象素視像鏡頭，揚聲器則內置了兩組 1.5W 揚聲器，並支援SRS模擬環迴音響技術，無線網絡支援 802.11b/g，藍牙v2.0+EDR，三合一讀咭器，三組USB2.0輸出(其中一組可為gadget差電)，而作業系統方面亦用上大家最喜愛的WindowsXP Home (當然只係同Vista來相比啦!)，硬件規格大概就是這樣，與其它品牌netbook現時的配置都是大同少異，當然N310的設計會為它帶來不少的加分啦！但我更期待看看N310開機以後的操作表現呢！
三合一讀咭器，連保養蓋都用上相同嘅顏色，真係一絲不苟…
N310嘅開關就在鍵盤嘅右上角，敬請留意下回4475為大家率先試用這部充滿design味嘅netbook！
延伸閱讀
- Samsung Mini Notebook N310設計師 深澤直人資料
- Tweet到有電腦…Samsung Mini Notebook N310
June 14th, 2009
今次真係唔單至”tweet到有朋友”，我仲tweet到有電腦添呀！大概兩三個星期之前，從網友嘅tweet中得知Samsung舉辦了一個Blogger試玩活動，試玩嘅係兩部Samsung新出嘅netbook，講真netbook自己算是玩過不少，其實config都係大同少異，所以起初話有得俾blogger試玩我都無太大興趣，但係打開報名嘅網頁之後我卻係俾依部小小嘅netbook吸引住，吸引我嘅係依部netbook嘅外型同用色，我講緊嘅就係依部薄荷藍嘅Samsung N310，咁我當然第一時間報名要試玩依部冰藍嘅小netbook啦！
兩三星期過後其實我自己都唔係好記得依件事，但係竟然收到Samsung工作人員Kristie嘅電話，話經己選中我可以試玩依個netbook，起初我以為試玩活動會係一大班blogger一齊試玩(因為以住好多blogger試玩會都係咁樣)，及後出席Samsung netbook試玩活動簡報會才得知只係選中四位blogger試玩，其他幾位睇黎仲係一班資深嘅blogger，哇！真係好彩呢！但最後我都唔記得問點解會選中我呢！
簡報會中Product Manager Olivia為我們介紹兩部netbook嘅特點
而我們blogger亦發揮blogger嘅本色，去到咩場合都影影影…影過不停 
就係咁，最後我地幾個Blogger各自拎左自己心儀果部netbook返去試玩，當然我地亦會一連幾星期為大家全程報導試玩過程啦！
另外幾位一齊試玩嘅Blogger網址：
- WⓞRtⓗy C+BLog
- 廣告風涼話
- 八月的丹麥
June 14th, 2009
