不一樣的產品試用…
新出嘅電子產品平日LoLo就試用得多，試用最新嘅男士護膚產品這倒算是LoLo的第一次，感謝PR姐姐邀請試用Biotherm係香港仲未有得賣嘅AQUAPOWER ABSOLUTE GEL(溫泉保濕冰涼啫喱)，起初以為只是試用少少的試用裝產品，誰不知慷慨地送出一套護膚產品試用，仲要係售賣嘅版本喎！好…咁有誠意，就等我今個星期轉晒用依條Line嘅產品！一個星期再話俾大家聽好唔好用先~
Add comment April 23rd, 2010
Posts filed under '產品介紹'
隨身影院+充電 Kensington Travel Battery Pack and Charger
iPhone用的隨身充電器見得多，賣點不外乎都是容量大、體積小等等，但今次要介紹的隨身充電器需然體積小巧但容量並不是十分之大(1500mAh)，也沒有電筒功能，售價亦都算不得上是便宜(HK$499)，但想不到設計師加上些少點子後，使到這件產品生色不少！今次所要介紹的，就是Kensington出品的Travel Battery Pack and Charger！需然同樣是Kensington出品，但這可是LoLo用真金白銀買回來呢！
單看BatteryPack外型看不出有什麼特別，與其它牌子的尿袋都是差不多，除了外型比較Stylish之外就是一粒掣加幾盞指示燈，但其奧妙之處就是藏在BatteryPack的蓋子之中，當蓋子反過來之後插上iPhone或iPodTouch，差電之餘介可以同時作為底座，方便隨時隨地觀賞影片。
▲蓋子底部的防跣膠
▲蓋子反過來之後變成45º的流動充電座
▲電源不絕的隨身影院
另外不得不題的就是BatteryPack聰明的充電方法，整個BatteryPack采用纜線的一體式設計，有接駁iPhone/iPodTouch的插頭，同時亦有外拉式USB插頭能為BatteryPack充電，免除要帶纜線插頭的煩惱！
▲外拉式USB插頭
Add comment March 29th, 2010
試用Kensington Orbit72337
大家記憶力強的話大概記得LoLo上年入手了Kingsington Slim Blade Trackball ，今次有幸從Kensington香港代理借來其下最新型號的Orbit 72337 Trackball試用，話晒Trackball等等嘅input device都係大家每天長時間接觸到嘅東東，對身體健康尤關，今次當然要試過夠先出用後報告啦！Orbit 72337與Slim Blade Trackball不同，開箱後給我第一個感覺是體積非常細少，剛好一隻手掌經已完完全全地覆蓋住，加上隨盒附上的手枕，使用更見舒適，可見Kensington在人體工學上確有一手。而功能方面呢…Orbit 72337不像Slim Blade一樣的有Media Mode、View Mode及水平移動等的殺食功能，單單的只有左右鍵及一個叫做Scroll Ring的灰色圈圈(說實一點其實只是普通滑鼠上的滾輪)，功能上可說只是與一隻普通滑鼠差不多呢！但是作為一隻入門級的軌跡球，港幣三百多完一隻確是吸引，但要LoLo推介的話當然是售價千多完的Slim Blade最好啦！
1 comment February 1st, 2010
黑仔玩轉香港~香港版危機一發!!!
講起Party Game，又點能夠少得人稱PartyGame之王嘅危機一發呢！玩發極之極之簡單，總之把劍插入木桶而又令到黑仔彈起嘅就為之輸，今鋪黑仔更加又日本玩到黎香港，化身成中國海盜(張保仔?)，係劍上加入種種不同嘅搞笑大懲罰，保證依個聖誕節笑到大家反肚為止…
危機一發玩法解說…
Add comment December 18th, 2009
Wii Sports Resort 香港繁體中文版套裝
聖誕節…又係約埋三五知己返屋企開P嘅好時候，而開P又點少得玩Party Game呢！老任近日推出Wii Sports Resort繁體中文版套裝，配上動感強化器，探測到更細微嘅動作變化，例如打乒乓球時落西都探測到，全套Wii Sports Resort有十二種運動、共二十四款遊戲，加上親切嘅中文介面，確係吸引…想問有無齋中文Game買？Sorry喇！暫時只係隨Wii主機一起發售，要買淨Game可能還等多一兩個星期，套裝係12月12號經己發售，唔知道齋Game趕唔趕得切係娶誕節前出呢？
轉跳俾大家睇下香港版Wii Sports Resort套機跟機有D咩吖~
Wii Sports Resort有幾好玩按我去官網睇片啦~>
香港版嘅盒…
變壓器…
Wiimote…
Wiimote + Motion Plus…
Wii Sports Resort Software…
Add comment December 18th, 2009
Altec Lansing Blogger試聽會
LoLo一直都是Altec Lansing的用家，由ATP3，FX6021以至小巧的im207隨身喇叭…
適逢Altec Lansing近日推出iPhoneSpeaker iMT620及其它新系列Speaker，香港代理商Yutron Tech邀請到我們一班blogger出席試聽會，首先要一讚代理選了灣仔一間Apple專賣店內的function room作為試聽會場地，因為地點方便加上我們一班blogger大部份都是Mac/iPhone用家，所以感覺都非常親切(至少我是這樣覺得呢！)
至於產品方面，全場最矚目大概是那部取得Made for iPod/iPhone認證的iMT620 iPhone Speaker，因為貪其體積纖薄，在Standby Mode下摺疊起來只有5cm，加上充電後可以連續使用5小時，開P時使用最為方便！另外，代理亦同時帶來幾款最新推出的Expressionist系列給我們欣賞，Expressionist系列吸引之處當然是它的外觀設計，比以往PC Speaker四四方方的悶蛋設計實在是進步了不少呢！
但是去到試聽的部份真是有點不吐不快呢！明白代理商是首次舉辦blogger活動，亦感謝他們悉心安排場地，但講到試聽除了旗的MX6021有比較長時間的試聽外，似乎其他產品都沒有獨立試聽，介紹大多只是流於外觀上的設計，而到我了我們試玩的時候亦因為人和speaker太多的關係，跟本不能專心聽清楚個別speaker的音色，作為外行的我實在不懂得如何給您介紹…
見議代理若果日後還會再舉辦試聽活動的時候可以考慮加多一點時間於個別型號試聽及比較，要知道音質是一種很抽象的東西，有時真是不懂得用言語形容，有了AB Test就比較容易分出不同型號間之分別，讀者亦比較容易從中選擇自己合適的型號，要不然大家都只能給您的speaker形容為有聲、無聲，大聲、細聲及拆與不拆之分別…
輕巧的inMotion Classic iMT620
1 comment December 7th, 2009
Sony Walkman X1050
此乃一篇攤到凍一凍的用後報告，其實相都經已影好差不多半年，只是一直都未有時間整理整理…廢話不多說，今次要介紹的是Sony Walkman X Series 1050。
外型…
先要講講Xseries可以說是我用mp3 player這麼久以來，它是放在手中感覺最實在的一部，大概與它的四四方方外型設計以及外框的物料處理有關，當然重量都是一個重點，98克…大概是iPod nano兩倍的重量有多呢！
功能…
X系列主打較為高階一點點的市場，所以功能都較為全面，播放mp3、mp4、相片、FM Radio…等基本功能當然不在話下，X系列更加入wifi功能，所以X1050是可以用來瀏覽網頁、Youtube以及訂閱podcast節目，另外X系列的NC(Noise Canceling)都是一個有趣的功能，透過隨機附送的earphone及開啟此功能即可抵消外界的雜音，但只限於隨機附送及某些自家特定型號的earphone，所以…just for fun 8->
檔案傳輸…
比較有趣的是X系列竟然支援MacOS及iTunes，有自家界面可把iTunes的音樂輕易搬到X1050，實在方便一眾iPod用家轉會。
聽感…
Walkman X系列主要買點是號稱首次引入以往設於家庭影音組合的S-Master數碼放大器，減少雜訊及數位化後造成的失真發生，試過播放經壓縮的檔案(例如mp3)的確是有不少改善，加上不同的EQ設定確是非常有趣，包圍感亦都非常不錯，比用開的iPod好上不少，但去到播無損格式的聲音檔時卻是平平無奇，似乎iPod的比他還好呢…
總結…
優點：
•實淨而有型格的機身
•S-Master數碼放大器能有效改善mp3的音質，極之適合聽開mp3的人士
•EQ效果不錯
•清晰的3吋OLED彩色顯示屏
•輕易地從iTunes傳輸歌曲、Podcast到X1050
•能夠用wifi即時更新Podcast
缺點：
•定價太貴(16GB索價HK$2780)同樣價錢足夠講買一部iPod Touch 32GB，還有錢剩呢！而且功能比X1050更強！
•操控界面…大概與慣性有關，因為用得iPod太久，相信隨時間可以改變…
更多相片
Add comment November 29th, 2009
Samsung N310 – 電腦爭奪戰
Samsung Mini Notebook N310試用快一個月，因為公司附近商場都裝有免費的wifi服務，所以每天中午都可以好方便咁用這部Samsung N310邊吃午飯邊上網或看電影，小巧圓滑機身加上這樣獨特粉藍色外觀，引來不少艷羨目光，實在唔好意思喇！除了在戶外自己喜歡使用Samsung N310之外，返到屋企我都好喜歡用佢黎上網，主要貪佢電量夠長，而且機身都唔算熱，所以都會一路睇電視一路上網，真係Very Good呀！但係近日情況有些少改變…話說近日OrSan部手提電腦有D壞壞地，所以拎左去整啦！其後OrSan好聰明咁問我…”咦？您咪有部新電腦嘅？不如俾我用黎做野吖!” 我心想佢一定用唔慣啦！我話:”部機都好慢架喎！用黎上吓網就得嘅！唔知您用黎做嘢得唔得喎！” 最後OrSan用咗幾日嘅結論係：”吖~其實部機都幾好用呀！同以前果部都分別唔大喎！都無特別慢呀！除左個Display細左少少！” 但係OrSan一路用黎個部係14吋、行緊Core2Duo嘅Notebook=__=’
無嘢好講，又一次證明齋睇數據都無乜用，都係用過先係最直接，看來我依一排夜晚都唔可以邊睇電視邊上網喇！在此衷心希望OrSan部舊電腦可以快D整好啦~
爭奪戰？您估我真係有得爭咩？
Add comment July 13th, 2009
Samsung Mini Notebook N310 隨機配套軟件
係睇完N310外觀與硬件嘅同時，今次都可以介紹一下佢嘅內涵，其實都講過好多次，netbook部部config都差不多，好用與否好取決於廠商有無合適嘅軟件配套，亦都從中可以睇到廠商對於生產依部機有無heart…
當開機之後發覺到Samsung其實都有唔少嘅軟件配套for依部小小嘅netbook：(以下內容擇自Samsung網頁)
• Cyberlink YouCam：配合數碼動視像鏡頭，支援網絡視像通話，更備有攝影及錄影功能，可按用戶需要選擇按時錄影，或自動偵測影像，可作電腦保安之用。此外，在進行視像交談時，此軟件更可加入多達12款3D圖像效果、主題或插圖，讓交談過程培添樂趣；
• Samsung Recover Solution III：為電腦建立修復點，當電腦遇上問題時，可隨時回復之前備份狀態。Samsung Recovery Solution III 更可將備份儲存於硬碟內或光碟中，即使硬碟中的備份狀態出現任何問題，亦可利用光碟回復到以往能夠正常運行的狀況；
• Easy Resolution Manager：備有兩種解像度模式供用戶選擇；1024 x 600為預設模式，適合觀賞電影之用；另備有1024 x 768解像度，方便用戶進行文書工作；
• Easy Network Manager：為不同網絡建立不同的檔案庫。只需輸入簡單資料，以後每次登入，電腦會即時識別IP地址及網絡打印機等設定；
• Samsung Magic Doctor系統診斷：內置自動診斷軟件，用戶只需按下 (Fn) 及 (F7) 按鍵，便可自動檢查和修復任何應用程式可能出現的問題。
• Samsung Battery Manager：可按用戶喜好選擇以下不同電池模式
- 最大電池效能模式：適用於需最大電池支援的環境；
- 最大系統效能模式：適用於需高系統效能或全系統效能的情況；
- 一般設定模式：適用於一般環境，可有效調較系統效能及電池耗用功率，達至平衡，提高電池效能；
- 自設模式：用戶可自由選擇及調較每一細節的耗電功能比，如螢幕光亮度、電源狀態及色彩設定等；
• Battery Life Extender：全新電池保護功能，當電腦連接AC電源時，令電量維持於80%，有效減慢電池老化速度，從而令電池壽命得以延長。
Add comment June 25th, 2009
Samsung Mini Notebook N310密室之謎
4475今天為們解開Samsung Mini Notebook N310密室之謎…
話說有天4475無意中發現N310底部竟然藏著一個小小的密室，充滿好奇心的4475當然第一時間上前打開，查看過究竟，赫然發覺密室內裡竟然藏著一條1GB RAM，看樣子似乎可以把它換成更大容量的記憶體呢！
說時遲、那時快，4475已從倉庫取出一條新束束的2GB RAM，把它換到N310的記憶體插槽上，過程簡單容易，不消三兩分鐘經已做好，開機後N310亦都順利地確認插槽上是一條2GB記憶體，雖然隨機的1GB記憶體已足夠N310基本雖要，但是當把記憶體增加多一培的時侯，N310在程式執行的順暢度都有較好表現，已現在記憶體售價這麼便宜來計算，強烈見議N310用家不妨為您的netbook做這小小的增值動作呢！
4475從倉庫運來新鮮嘅Samsung 2GB DDR2-800…
4475為N310裝上記憶體…
4 comments June 25th, 2009
